مسلسل ناکامی پر کترینہ کیف نے معاوضے میں کمی کر دی
ranbir kapoor movie katrina kaif

بالی ووڈ اداکارہ کترینہ کیف نے فلم جگا جاسوس کی ناکامی کے بعد اپنے معاوضے میں کمی کر لی ۔بالی ووڈ سٹار کترینہ کیف کا ستارہ گردش میں ہے اور آج کل باکس آفس پر ان کی اداکاری کا جادو بالکل بھی نہیں چل رہا جب کہ فلموں میں مسلسل ناکامی کے باعث کترینہ کیف کی شہرت میں بھی کافی کمی ہوئی ہے۔

یہی وجہ ہے بالی ووڈ باربیڈول نے اپنی حالیہ پوزیشن کو مد نظر رکھتے ہوئے اپنا معاوضہ کم کر لیا ہے ۔ رپورٹس کے مطابق حال ہی میں ایک بڑے برانڈ کی ڈیل میں بالی ووڈ اداکارہ تاپسی پنو نے کترینہ کیف کی جگہ لے لی جس کے بعد کترینہ نے برانڈ کی دنیا میں اپنی جگہ بنائے رکھنے کی خاطر ایک بڑا فیصلہ لیتے ہوئے اپنے معاوضے میں 40 فیصد کمی کر لی ہے۔ہدایت کار کبیر خان کے ساتھ فلم ایک تھا ٹائیگر نے تو باکس آفس پر خوب بزنس کیا مگر کبیر خان کی ہی اگلی فلم فینٹم جس میں کترینہ نے سیف علی خان کے ساتھ اداکاری کے جوہر دکھائے مکمل ناکام رہی جبکہ حال ہی میں ناکام ہونے والی ان کی دیگر فلموں میں فینٹم، بار بار دیکھو اور جگا جاسوس شامل ہیں۔

تازہ ترین

اپنا تبصرہ چھوڑیں