جھانوی کی مدد نہ کرنے پر سوتیلی بہن انشولا کو شدید تنقید کا سامنا
  • 0
  • 1

http://tuition.com.pk
criticize arjun kapoor help

بھارتی شو کافی ود کرن کے ہر سیزن میں بولی وڈ کی نامور شخصیات شرکت کرتی ہیں اور اپنی ذاتی زندگی کے حوالے سے بھی کئی رازوں سے پردہ اٹھاتی ہیں۔

اس شو پر کئی شخصیات کے بیانات کے بعد تنازعات بھی کھڑے ہوئے، اور ایسا ہی کچھ کافی ود کرن سیزن 6 کی ایک قسط کے دوران ہوگیا۔گزشتہ ہفتے سامنے آنے والی اس شو کی قسط میں بولی وڈ اداکار ارجن کپور اور ان کی سوتیلی بہن اداکارہ جھانوی کپور نے ایک ساتھ شرکت کی۔یہ دونوں پہلی مرتبہ کسی شو پر ایک ساتھ موجود تھے۔اس شو پر ارجن کپور اور جھانوی کپور نے اپنی فیملی اور بھائی بہن کے رشتے پر کھل کر بات کی، جبکہ دونوں نے سری دیوی کے انتقال پر افسوس کا بھی اظہار کیا۔اس شو کے دوران ایک سیگمنٹ ہوا جہاں جھانوی اور ارجن دونوں کو اپنی فیملی میں سے کسی ایک فرد کو فون کرنا تھا، جو کرن جوہر سے بات کرتا۔جس کی کال پہلی اٹھائی جاتی اور جو کرن سے پہلے بات کرتا وہ اس سیگمنٹ کو جیت جاتا۔اس دوران جھانوی کپور نے اپنی سوتیلی بہن انشولا کپور کو کال کی اور درخواست کی کہ وہ کرن جوہر سے بات کریں، تاہم ارجن کپور نے انہیں ایسا کرنے سے منع کیا۔جس کے بعد انشولا نے ارجن کا ساتھ دیا اور وہ یہ مقابلہ جیت گئے۔جھانوی نے انشولا کے کرن جوہر سے بات نہ کرنے پر بھی اپنی مایوسی کا اظہار کیا۔البتہ ارجن کپور نے اپنی جیت کا تحفہ شو پر جھانوی کپور کو دے دیا۔اس شو کے نشر ہونے کی دیر تھی کہ سوشل میڈیا پر ارجن کپور کی بہن انشولا کپور کو صارفین نے شدید تنقید کا نشانہ بنانا شروع کردیا۔انہوں نے سوال کیا کہ ’کیا کسی اور کو بھی انشولا کا جھانوی کی مدد نہ کرنا برا لگا، یا ایسا صرف مجھے ہی محسوس ہوا؟‘ان کے مطابق ’کسی کو برا کہنا غلط تو ہے، لیکن مجھے یہ دیکھ کر کافی افسوس ہوا کہ انشولا نے جھانوی کی مدد نہیں کی‘۔کسی نے انشولا کو چھوٹے دل والی خاتون کہا۔ان کا کہنا تھا کہ ’ایک فون نے سب بیان کردیا، سری دیوی کے انتقال کہ بعد یہ بھائی بہنوں کا پیار سب ڈرامہ ہے‘۔ان کے مطابق کافی ود کرن نے ان کے رشتے میں بہت سی باتوں کی وضاحت کردی۔جبکہ انہوں نے کہا کہ انشولا کا دل بےحد خراب ہے۔سوشل میڈیا پر اتنی شدید تنقید کے بعد اداکارہ جھانوی کپور نے ایک انٹرویو میں وضاحت کی کہ انشولا نے ان کی کال کا جواب اس لیے نہیں دیا کہ انہیں کچھ سنائی نہیں دے رہا تھا۔اداکارہ کا مزید کہنا تھا کہ ’ہم اپنی زندگی میں موجود لوگوں کی حفاظت کرنا چاہتے ہیں، جیسے میری بہن انشولا کو حال ہی میں سوشل میڈیا پر شدید تنقید کا سامنا کرنا پڑا، کافی ود کرن پر ایک مذاق چل رہا تھا‘۔جھانوی نے یہ بھی انکشاف کیا کہ انشولا کو اس واقعے کے بعد سوشل میڈیا پر ریپ کی دھمکیاں بھی موصول ہوئیں۔دوسری جانب انشولا کے بھائی اداکار ارجن کپور نے بھی اپنے ٹوئٹر اکاؤنٹ پر انشولا کو تنقید کا نشانہ بنانے والے صارفین پر اپنے غصے کا اظہار کیا۔اداکار کا کہنا تھا کہ ’میں نے نہیں سوچا تھا کہ کافی ود کرن پر ہونے والے ایک مذاق کی وجہ سے انشولا کپور کو اتنے منفی ردعمل کا سامنا کرنا پڑے گا، امید ہے آپ کی والدہ یا بہن کو کبھی ایسے وقت کا سامنا نہ کرنا پڑے، جو اس وقت ہمیں کرنا پڑ رہا ہے‘۔جس کے بعد شو کے میزبان کرن جوہر نے بھی ارجن کپور کی بات سے اتفاق کرتے ہوئے کہا کہ سوشل میڈیا پر صارفین کو اتنی منفی سوچ نہیں رکھنی چاہیے۔یاد رہے کہ ارجن کپور بھارتی پروڈیوسر بونی کپور کے بڑے بیٹے ہیں۔بونی کپور کی پہلی شادی مونا کپور سے 1983 میں ہوئی تھی، ان دونوں کے دو بچے ارجن اور انشولا کپور ہیں۔جبکہ بونی اور مونا کی شادی 1996 میں ختم ہوگئی تھی جس کی وجہ یہ تھی کہ وہ آنجھانی اداکارہ سری دیوی کو پسند کرتے تھے۔بونی کپور نے 1996 میں ہی اداکارہ سری دیوی سے شادی کی تھی، جن سے ان کی دو بیٹیاں جھانوی کپور اور خوشی کپور ہیں۔ویسے تو ارجن کپور اور انشولا کپور نے کبھی بھی اپنی سوتیلی والدہ سری دیوی یا سوتیلی بہنوں سے کوئی تعلق نہیں رکھا، تاہم رواں سال سری دیوی کے انتقال کے بعد ارجن کپور اور انشولا نے اپنی دونوں سوتیلی بہنوں کو بےحد سپورٹ کیا، جبکہ اپنے والد کا بھی سہارا بنے۔

اور تب سے ہی یہ سب اپنی فیملی کو مکمل کہتے آرہے ہیں۔

تازہ ترین

اپنا تبصرہ چھوڑیں